വിടപറയുന്നു സന്ദീപ് കുമാർ.. അയർലണ്ടിന് ഇനി പുതിയ ഇന്ത്യൻ അംബാസഡർ
1989 ഐ.എഫ്.എസ് ബാച്ച് അംഗമായ ശ്രീ.അഖിലേഷ് മിശ്രയെയാണ് ഇന്ത്യാ ഗവർമെന്റ് പുതിയ നിയോഗം ഏൽപിച്ചത്. അയര്‍ലണ്ടിലെ പുതിയ ഇന്ത്യന്‍ അംബാസഡറായി മുതിര്‍ന്ന നയതന്ത്രജ്ഞന്‍ ശ്രീ.അഖിലേഷ് മിശ്രയെ നിയമിച്ചു വെന്ന് അദ്ദേഹവും ട്വിറ്ററിൽ അറിയിച്ചു.
നിലവില്‍ വിദേശ കാര്യ വകുപ്പില്‍ ഓഫീസര്‍ ഓണ്‍ ഡ്യൂട്ടിയില്‍ ജോലി ചെയ്യുന്ന അദ്ദേഹം ഉടൻ ചുമതലയേല്‍ക്കുമെന്ന് ഇന്ത്യന്‍ വിദേശകാര്യ വകുപ്പ് പത്രക്കുറിപ്പിൽ അറിയിച്ചു.
1989 IFS ബാച്ച് അംഗമാണ് അഖിലേഷ് മിശ്ര.
2016 ജനുവരി മുതല്‍ -2019ഫെബ്രുവരി വരെ മാലി ദ്വീപ്‌സിലെ ഇന്ത്യന്‍ അംബാസഡര്‍
2013 ഓഗസ്റ്റ് മുതല്‍ 2016 ജനുവരി വരെ കാനഡയിലെ ടൊറോണ്ടോയില്‍ കൗണ്‍സല്‍ ജനറല്‍ .
2021 മാര്‍ച്ചുമുതല്‍ സെക്രട്ടറി തലത്തില്‍ ഓഫീസര്‍ ഓണ്‍ സ്പെഷ്യല്‍ ഡ്യൂട്ടി
2020 ഫെബ്രുവരി മുതല്‍ 2021 മാര്‍ച്ച് വരെ DPA ( ഡെവലപ്മെന്റ് പാര്‍ട്ണര്‍ഷിപ്പ് അഡ്മിനിസ്ട്രേഷൻ )ല്‍ അഡീഷണല്‍ സെക്രട്ടറി.
2019 ഫെബ്രുവരി മുതല്‍ 2020 ഫെബ്രുവരി വരെ ഒരു വര്‍ഷം ഇന്ത്യന്‍ കൗണ്‍സില്‍ ഓഫ് കള്‍ച്ചറല്‍ റിലേഷന്‍സ് ഡയറക്ടര്‍ ജനറൽ .
ഇന്ത്യന്‍ ഗ്രാന്റ് ആന്റ് ലൈന്‍സ് ഓഫ് ക്രഡിറ്റ്, ഇന്ത്യന്‍ ടെക്നിക്കല്‍ ആന്റ് ഇക്കണോമിക് കോഓപ്പറേഷന്‍ എന്നീ പ്രോജക്ടുകളില്‍ വിദേശ രാജ്യങ്ങള്‍ക്കുള്ള ഡവലപ്മെന്റല്‍ അസിസ്റ്റന്‍സിന്റെ ചുമതല എന്നിങ്ങനെ വിവിധ മേഖലകളിൽ കഴിവ് തെളിയിച്ചു.
ശ്രീ.സന്ദീപ് കുമാർ പദവി ഒഴിയുമ്പോൾ പഴയ അംബാസിഡർ മാരിൽ നിന്നും വ്യത്യസ്തത പുലർത്തിയിരുന്ന ഒരു ഇന്ത്യൻ ഒഫീഷ്യലിനെ അയർലണ്ടിന് നഷ്ടപ്പെടും.അയർലണ്ടിലെ ഇന്ത്യൻ സമൂഹവുമായി എപ്പോഴും അടുത്ത് ഇടപഴകാനുള്ള ഒരു അവസരവും മാറ്റി വയ്ക്കാതെ ഒട്ടുമിക്ക കൗണ്ടികളിലും ഓടിയെത്തിയ അംബാസിഡർ അയർലണ്ടിന്റെ ഇന്ത്യൻ മനസ്സുകളിൽ മറക്കാതെ എന്നും ഉണ്ടാകും. കോവിഡ് കാലത്തു, ഇന്ത്യക്കാരായ സ്റ്റുഡന്റ്‌സിനേയും ഇവിടെ സന്ദർശന വേളയിൽ അകപ്പെട്ടു പോയ ഇന്ത്യക്കാരെയും ഇവിടെയുള്ളവരെയും തിരികെ എത്തിക്കുന്നതിൽ നിസ്തുലമായി പരിശ്രമിക്കുകയും രാപകൽ ഇല്ലാതെ അവർക്ക് വേണ്ട സഹായം ലഭ്യമാക്കുകയും ചെയ്‌തു. ഇന്ത്യയും അയര്‍ലണ്ടും തമ്മിലുള്ള സാംസ്‌കാരിക -വ്യാപാര ബന്ധങ്ങള്‍ ദൃഢമാക്കാനും അദ്ദേഹത്തിന്റെ ശ്രമങ്ങൾ ഫലം കണ്ടു.
1985 ബാച്ച് ഐഎഫ്എസ് അംഗമായ ഇന്ത്യന്‍ അംബാസഡര്‍ സന്ദീപ് കുമാര്‍, ക്രൊയേഷ്യ, ഹോങ്കോംഗ്, പാരിസ്, കേപ് ടൗണ്‍,അഫ്ഗാനിസ്ഥാൻ എന്നീ രാജ്യങ്ങളില്‍ വിവിധ ദൗത്യങ്ങള്‍ വിജയകരമായി പൂര്‍ത്തീകരിച്ച ശേഷമാണ് 2018 നവംബര്‍ മുതലാണ് അംബാസഡറായിഅയർലണ്ടിൽ സ്ഥാനം ഏറ്റെടുത്തത്.
അഫ്ഗാനിസ്ഥാനില്‍ കാബൂളിൽ ഡപ്യൂട്ടേഷനില്‍ പോലീസ് റിഫോംസിന്റെ ചുമതല വഹിച്ചു . 2013 മുതല്‍ 2015വരെ ഇദ്ദേഹം ഇന്ത്യന്‍ വിദേശകാര്യ വകുപ്പില്‍ വെസ്റ്റ് ഏഷ്യ ആന്റ് നോര്‍ത്ത് ആഫ്രിക്കന്‍ ഡിവിഷന്റെ ജോയിന്റ് സെക്രട്ടറിയായും റിപ്പബ്ലിക് ഓഫ് ക്രൊയേഷ്യയിലെ ഇന്ത്യന്‍ അംബാസഡറായും പ്രവര്‍ത്തിച്ചിരുന്നു.
🔘 കോവിഡിന്റെ മൂന്നാംതരംഗഭീഷണ രാജ്യാന്തര യാത്രാ വിമാനങ്ങൾക്കുളള വിലക്ക് (ഡിജിസിഎ) ഓഗസ്റ്റ് 31വരെ നീട്ടി
🔘 കാത്തിരിപ്പ് ഒഴിവായി ആശ്വാസമായി പുതിയ വെബ്സൈറ്റ് | റിക്കവറി സർട്ടിഫിക്കറ്റ് ഇമെയിൽ വഴി ലഭിക്കും
അനുദിന വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക
Disclaimer: We are not agents, not government website, not related to them , we are only help information, support community, all information provided are for awareness and welfare purpose only , we shall not be responsible for the same. The job , Advertise, Listing, description posted by UCMI may not include all responsibilities, or aspects of the described, and may be amended at any time by the employer or individual or UCMI.UCMI does not explicitly provide representations or assurances about the job or Advertise or Listing or its accuracy. UCMI is not responsible for above mentioned or anything else. The number and information keep changing over a period of time. For any copyright / wrong information, issues, please report immediately at admin.
.jpg)
