പാപ് വർത്തിൽ പാലാ വലവൂർ സ്വദേശി നിര്യാതനായി
അമിത രക്ത സമ്മർദ്ദത്തെ തുടർന്ന് യുകെ മലയാളി മരണമടഞ്ഞു. പാപ് വർത്തിൽ താമസിക്കുന്ന ഡോജി ഫിലിപ്പ് (50) ആണ് ആകസ്മികമായി വിട പറഞ്ഞത്. പാലാ വലവൂര്‍ കാശാംകാട്ടില്‍ കുടുംബാംഗമാണ് .
ഭാര്യ ലിജി ഡോജി കേംബ്രിഡ്ജ് എന്‍എച്എസ് ട്രസ്റ്റ് ഹോസ്പിറ്റലിൽ ജോലി ചെയ്യുന്നു. ലിജി ജോലിയിലായിരുന്ന സമയത്താണ് ഡോജിക്ക് ദേഹാസ്വാസ്ഥ്യം അനുഭവപ്പെട്ടത്. അസ്വസ്ഥനായി കുഴഞ്ഞു വീണതിനെത്തുടർന്ന് അടുത്തുണ്ടായിരുന്ന ഏക മകന്‍ ജീവന്‍ എമെർജൻസി ആംബുലന്‍സ് വിളിക്കുകയായിരുന്നു. കേംബ്രിഡ്ജ് ആ ഡെന്‍ബ്രൂക്ക്സ് ആശുപത്രിയിലെത്തിയപ്പോഴേക്കും അബോധാവസ്ഥയിലായ ഡോജിയുടെ ജീവന്‍ നിലനിര്‍ത്താന്‍ മെഡിക്കല്‍ സംഘം ഏറെ പരിശ്രമിച്ചെങ്കിലും രക്ഷിക്കാനായില്ല.
പതിനൊന്നാം ക്ളാസ് വിദ്യാര്‍ത്ഥിയാണ് ജീവന്‍. ഡോജിയുടെ സഹോദരിയും കുടുംബവും ലൂട്ടനിലാണ് താമസം.
ദുഃഖാർത്തരായ കുടുംബത്തിന് അനുശോചനം അറിയിക്കുകയും കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തിൽ പങ്കു ചേരുകയും ചെയ്യുന്നു.
ആദരാഞ്ജലികൾ 🌹🌹🌹🌹 യുക് മി അയർലണ്ട്.
.jpg)
