:ജോലി സമയം കുറയ്ക്കാനുള്ള തയ്യാറെടുപ്പുകളുമായി ജപ്പാൻ സര്‍ക്കാര്‍. ആഴ്ചയിൽ നാലു ദിവസം മാത്രമായി ജോലി സമയം പരിമിതപ്പെടുത്താനാണ് സര്‍ക്കാര്‍ ലക്ഷ്യമിടുന്നത്. കുടുംബത്തോടൊപ്പം ചെലവഴിക്കുന്നതിനും ജോലിക്കാവശ്യമായ കഴിവുകൾ വികസിപ്പിക്കുന്നതിനും എല്ലാം ജീവനക്കാര്‍ക്ക് അധികം സമയം നൽകുന്നതാണ് പുതിയ നിയമം.
2020-ൽ ജാപ്പനീസ് തൊഴിലാളികൾ 1590 മണിക്കൂറുകളാണ് ശരാശരി ജോലിചെയ്തത്. വര്‍ക്ക് ലൈഫ് ബാലൻസ് മെച്ചപ്പെടുത്തുന്നതിനൊപ്പം സാമ്പത്തിക രംഗത്തിനും ഇതുകൊണ്ട് ഗുണമുണ്ടെന്ന് ചില നിരീക്ഷകര്‍ ചൂണ്ടിക്കാട്ടുന്നു.
ലോകത്ത് മിക്കയിടത്തും അഞ്ച് ദിവസം എട്ടു മണിക്കൂര്‍ വീതമാണ് ആളുകൾ ജോലി ചെയ്യുന്നത്. ആഴ്ചയിൽ 40 മണിക്കൂര്‍. എന്നാൽ ഈ സമയവും കുറയ്ക്കാനാണ് ജപ്പാനിലെ സര്‍ക്കാര്‍ ശ്രമിക്കുന്നത്. ജോലി സമയം കുറയ്ക്കുന്നത് ജീവനക്കാരുടെ കാര്യക്ഷമത വര്‍ധിപ്പിക്കുമോ എന്നറിയാൻ ആദ്യം പഠനം നടത്തിയത് മൈക്രോ സോഫ്റ്റാണ്. ജപ്പാനിൽ തുടര്‍ച്ചയായ രണ്ടു വാരാന്ത്യ അവധി ദിനങ്ങൾക്ക് പുറമെ വെള്ളിയാഴ്ച കൂടെ അവധി നൽകുകയായിരുന്നു
ജീവനക്കാരുടെ കാര്യക്ഷമത 40 ശതമാനം വര്‍ധിച്ചു എന്നാണ് കണ്ടെത്തൽ. 92 ശതമാനം ജീവനക്കാര്‍ക്കും കുറഞ്ഞ സമയം ജോലി ചെയ്യാനാണ് ഇഷ്ടം. വൈദ്യുത ഉപയോഗവും 20 ശതമാനത്തിലധികം കുറഞ്ഞു, ന്യൂസിലൻഡിൽ 2018-ൽ നടത്തിയ ഒരു പഠനത്തിലും സമാനമായിരുന്നു ഫലം. ജപ്പാനിലെ സാമ്പത്തിക നയവുമായി ബന്ധപ്പെട്ട നിര്‍ദേശങ്ങളിലാണ് സര്‍ക്കാര്‍ ഇത് മുന്നോട്ട് വച്ചിരിക്കുന്നത്. കമ്പനികൾ തൊഴിലാളികളുടെ ജോലി സമയം ആഴ്ചയിൽ നാലു ദിവസം ആക്കണമെന്നാണ് നിര്‍ദേശം
.jpg)
