അയർലണ്ടിലെ വാട്ടർ തൊഴിലാളി യൂണിയനായ Unite ട്രേഡ് യൂണിയൻ അംഗങ്ങളുടെ പണിമുടക്ക് കാരണം ഈ ആഴ്ച അവസാനത്തോടെ വിവിധ കൗണ്ടികളിൽ ജലവിതരണം തടസ്സപ്പെടാൻ സാധ്യത. അതിനാൽ പൊതുജനങ്ങൾ വേണ്ട മുകരുതലുകൾ എടുക്കുവാൻ Uisce Éireann മുന്നറിയിപ്പ് നൽകുന്നു.
വ്യാഴം, വെള്ളി ദിവസങ്ങളിൽ നിരവധി തദ്ദേശ സ്വയംഭരണ സ്ഥാപനങ്ങളിലെ വാട്ടർ സർവീസ് തൊഴിലാളികൾ പണിമുടക്കിൽ പങ്കെടുക്കും.
വാട്ടർഫോർഡ്, ടിപ്പററി, പ്രദേശങ്ങളിൽ അർദ്ധരാത്രി മുതൽ മുൻകരുതൽ നോട്ടീസ് നിലവിൽ വന്നു. ജലസേവനങ്ങൾ തടസ്സപ്പെടാൻ സാധ്യതയുള്ളതിനെ കുറിച്ചും മുന്നറിയിപ്പ് നൽകുന്നു. പ്രത്യേകിച്ചും, കോർക്ക് സിറ്റി, കോർക്ക് കൗണ്ടി, കെറി, ഫിംഗൽ, സൗത്ത് ഡബ്ലിൻ, ഡൺലേറി - റാത്ത്ഡൗൺ, ലൂത്ത്, കാർലോ, ഗാൽവേ സിറ്റി, വെക്സ്ഫോർഡ് എന്നിവിടങ്ങളിൽ വിതരണം മുടങ്ങും എന്നാണ് പുതിയ അറിയിപ്പുകൾ
ജലസേവന വിതരണത്തിൽ ഏർപ്പെട്ടിരിക്കുന്ന തൊഴിലാളികൾക്ക് സംരക്ഷണം സംബന്ധിച്ച നിലവിലുള്ള പ്രതിബദ്ധതകൾ ശക്തിപ്പെടുത്താനും, പിരിച്ചുവിടൽ ഓപ്‌ഷനുകൾ പ്രയോജനപ്പെടുത്താൻ ആഗ്രഹിക്കുന്നവർക്കുള്ള സേവന, പ്രായ തടസ്സങ്ങൾ നീക്കം ചെയ്യാനും ശ്രമിക്കുന്നതായി തൊഴിലാളി യൂണിയൻ പറഞ്ഞു.
കഴിഞ്ഞ വർഷം വർക്ക്‌പ്ലേസ് റിലേഷൻസ് കമ്മീഷൻ മുന്നോട്ട് വെച്ച ‘ഫ്രെയിംവർക്ക് ഫോർ ദി ഫ്യൂച്ചർ ഡെലിവറി ഓഫ് വാട്ടർ സർവീസസ്’ എന്ന രേഖ നിരസിക്കാനുള്ള യുണൈറ്റ് അംഗങ്ങളുടെ തീരുമാനത്തെ തുടർന്നാണ് തർക്കം നടക്കുന്നത്. വാട്ടർ തൊഴിലാളികൾ പ്രാദേശിക അധികാരികളിൽ നിന്ന് Uisce Éireann-ലേക്ക് മാറ്റുന്ന അവസരത്തിൽ അവരുടെ പൊതു സേവന പദവി നിലനിർത്തുന്നതിനാണ് സമരത്തിൽ ഏർപ്പെടുന്നത്.
.jpg)
