 |
വാട്ടർഫോർഡിന്റെ ഗ്രീൻവേ റൂട്ടിൽ സ്ഥാപിച്ച വലിയ തടി ശിൽപം തീപിടിത്തത്തിൽ നശിച്ചതിനെ തുടർന്ന് ഗാർഡ അന്വേഷണം ആരംഭിച്ചു. അഗ്നിശമന സേനാംഗങ്ങൾക്ക് കലാസൃഷ്ടി സംരക്ഷിക്കാൻ കഴിയാതെ വന്നു. ഇപ്പോൾ കൈകളും കാലുകളും മാത്രം ശേഷിക്കുമ്പോൾ മറ്റു ഭാഗങ്ങളെ, "ശിൽപത്തിന്റെ മധ്യഭാഗം - ഐറുവിന്റെ ശരീരം" - ചാരം വിഴുങ്ങി.
വാട്ടർഫോർഡിലെ വൈക്കിംഗ് ട്രയാംഗിളിൽ കുഴിച്ചിട്ട 23 മീറ്റർ വാൾ നിർമ്മിച്ച പ്രശസ്ത മരപ്പണിക്കാരനായ സ്പെഷ്യൽ ബ്രാഞ്ച് കാർവേഴ്സിലെ ജോൺ ഹെയ്സ് ആണ് ഐറിയുവിന്റെ ശിൽപം കൊത്തിയെടുത്തത്. സൗത്ത് ഈസ്റ്റ് ടെക്നോളജിക്കൽ യൂണിവേഴ്സിറ്റിയുമായി സഹകരിച്ച്, ജൈവവൈവിധ്യ പദ്ധതിയുടെ ഭാഗമായി ഈ വർഷം മാർച്ചിലാണ് ഇത് നിലവിൽ വന്നത്. ഐറിഷ് പുരാണ ദേവതയായ ഐറുവിനുള്ള ( Éiriu) ആദരാഞ്ജലിയായി ഈ വർഷം ആദ്യം ഇത് ഒരു ജൈവവൈവിധ്യ പദ്ധതിയായി സ്ഥാപിക്കപ്പെട്ടു.
വെള്ളിയാഴ്ച പുലർച്ചെ നഗരത്തിന്റെ പ്രാന്തപ്രദേശത്തുള്ള കാരിഗനോറിലെ കൂറ്റൻ തടി ശിൽപ്പത്തിന് ന് തീപിടിച്ചു. അഗ്നിശമനസേന സംഭവസ്ഥലത്തേക്ക് എത്തി. പിന്നീട് തീ അണച്ചെങ്കിലും, ശിൽപം "നശിച്ചതായി" ഗാർഡ റിപ്പോർട്ട് ചെയ്തു. ക്രിമിനൽ കേസായി പരിഗണിക്കുന്നതിനാൽ ഏതെങ്കിലും സാക്ഷികളോ അറിവുള്ള ആരെങ്കിലുമോ മുന്നോട്ട് വരാൻ ഗാർഡ അഭ്യർത്ഥിക്കുന്നു.
ഗാർഡ വക്താവ് പറയുന്നതനുസരിച്ച്, വാട്ടർഫോർഡ് സിറ്റിയിലെ കാരിഗനോറിലെ ഗ്രീൻവേയുടെ ഭാഗമായ ഒരു തടി ശിൽപത്തിന് തീപിടിച്ച് ക്രിമിനൽ കേടുപാടുകൾ സംഭവിച്ചതിനെക്കുറിച്ചുള്ള അന്വേഷണത്തിൽ വാട്ടർഫോർഡ് ഗാർഡ സ്റ്റേഷന് പൊതുജനങ്ങളുടെ സഹായം ആവശ്യമുണ്ട്. ശിൽപം നശിപ്പിച്ചിട്ടുണ്ട്.
സെപ്റ്റംബർ 30ന് രാവിലെ 7.30ഓടെയാണ് കേടുപാടുകൾ കണ്ടെത്തിയത്. വെള്ളിയാഴ്ച പുലർച്ചെ പ്രദേശത്ത് ആരെങ്കിലും എന്തെങ്കിലും വിചിത്രമായ കാര്യങ്ങൾ കണ്ടിരുന്നുവെങ്കിൽ വാട്ടർഫോർഡ് ഗാർഡ സ്റ്റേഷനിൽ 051-305300 എന്ന നമ്പറിൽ അറിയിക്കാം.
.jpg)
