സ്മാര്‍ട്ട് ഫോണുകള്‍ വഴി കോവിഡ് വാക്‌സിന്റെ പേരിലും തട്ടിപ്പ്. ഫോണില്‍ ഇംഗ്ലീഷിലാണ് മെസേജ് വരുന്നത്. നിങ്ങള്‍ കോവിഡ് വാക്‌സിന്‍ എടുത്തിട്ടുണ്ടോ എന്ന ചോദ്യമായിരിക്കും വരിക. കോവിഡന്റെ സമയമായതുകൊണ്ടും വാക്‌സിന്‍ നിര്‍ബന്ധമായും എടുക്കണമെന്ന നിര്‍ദ്ദേശങ്ങള്‍ ഉള്ളതിനാലും ഈ സമയം മിക്കവരും മറ്റൊന്നും ചിന്തിക്കാനും ഇടയില്ല. ഇതാണ് ഇക്കൂട്ടര്‍ മുതലാക്കുന്നത്.
രണ്ട് ഡോസ് എടുത്തിട്ടുള്ളവർ ആണെങ്കില്‍ 2 എന്നും ഒന്ന് എടുത്തവര്‍ ഒന്ന് എന്നും സെന്റ് ചെയ്യാന്‍ ആവശ്യപ്പെടും. ഒരു ഡോസ് എന്ന് രേഖപ്പടുത്തുന്നവര്‍ക്ക് അപ്പോള്‍ തന്ന ഒരു സന്ദേശം വരും.
അത് ഇതാണ്, നിങ്ങളുടെ ഫോണിലേക്ക് ഒരു ഒടിപി ഇപ്പോള്‍ വരും അത് ഈ നമ്പരിലേക്ക് തിരിച്ച് സെന്റ് ചെയ്യുക. അങ്ങനെ ചെയ്യുന്ന പക്ഷം പണം നഷ്ടമാകുള്ള സാധ്യതകള്‍ ഏറെയാണ്.
- ജാഗ്രത കുറഞ്ഞാല്‍ പണം പോകാം.
- ഫോണില്‍ എത്തുന്ന സന്ദേശങ്ങളോട് കരുതലോടു കൂടി മാത്രം പ്രതികരിക്കുക.
- പരമാവധി ഒഴിവാക്കുക.
കാരണം ഇന്ന് ബഹുഭൂരിപക്ഷം ഫോണുകളും ആധാറുമായും ബാങ്കുമായും എടിഎം കാര്‍ഡുകളുമായും കണക്ട് ചെയ്തതായിരിക്കും. തട്ടിപ്പുകാര്‍ ഇതാണ് മുതലാക്കുന്നത്.
ഹൈടെക് കള്ളന്‍മാരുടെ പുതിയ തട്ടിപ്പിന് ഇരയായി പണം നഷ്ടപ്പെട്ടവര്‍ ഇതിനകം തന്ന നിരവധിയാളുകള്‍ ഉണ്ട്. ഒരു മുന്നറിയിപ്പുപോലെ സമൂഹമാധ്യമങ്ങളിലൂടെ ഈ തട്ടിപ്പ് വിവരങ്ങള്‍ പുറത്തുവന്നു തുടങ്ങിയിട്ടുണ്ട്. അതുകൊണ്ട് ഫോണ്‍ കൈകാര്യം ചെയ്യുന്നവര്‍ കരുതിയിരിക്കുക.
Đaily Malayaly ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക:
ĐĐ🔰🔰🔰🔰ĐĐ
ഫേസ്ബുക്ക് പേജ് ലിങ്ക് 👇
.jpg)
