"സംവദിക്കാൻ അവസരം ലഭിച്ചാൽ അത് താരങ്ങൾക്ക്​ മികച്ച പ്രചോദനമാവുമെന്ന്"സ്​കോട്ട്​ലൻഡ്​ നായകൻ കൈൽ കോട്​സർ

സംവദിക്കാൻ അവസരം ലഭിച്ചാൽ അത് താരങ്ങൾക്ക്​ മികച്ച പ്രചോദനമാവുമെന്ന്"സ്​കോട്ട്​ലൻഡ്​ നായകൻ കൈൽ കോട്​സർ  ഡ്രസ്സിങ്​ റൂമിൽ അപ്രതീക്ഷിത സന്ദർശനത്തിൽ ടീം ഇന്ത്യ

ട്വന്‍റി20 ലോകകപ്പ്​ സൂപ്പർ 12 മത്സരത്തിൽ സ്​കോട്​ലൻഡിനെ എട്ടുവിക്കറ്റിന്​ തകർത്ത്​ ഇന്ത്യ സെമിഫൈനൽ പ്രതീക്ഷ നിലനിർത്തിയിരുന്നു. 81 പന്തുകൾ ശേഷിക്കേ ആയിരുന്നു ഇന്ത്യയുടെ വിജയം.     

കനത്ത പരാജയം ഏറ്റുവാങ്ങിയപ്പോഴും സ്​കോട്ടുകൾ സന്തോഷത്തിലായിരുന്നു. മികച്ച കളിക്കാരുമായി സംവദിക്കാൻ അവസരം ലഭിച്ചാൽ അത് താരങ്ങൾക്ക്​ മികച്ച പ്രചോദനമാവുമെന്നും മെച്ചപ്പെട്ട സ്ക്വാഡിനെ കെട്ടിപ്പടുക്കാൻ സഹായിക്കുമെന്നും മത്സരത്തിന്​ മുമ്പ്​ സ്​കോട്ട്​ലൻഡ്​ നായകൻ കൈൽ കോട്​സർ അഭിപ്രായപ്പെട്ടിരുന്നു. ആഗ്രഹം സാധിപ്പിച്ച്​ കൊടുത്താണ്​​ ടീം ഇന്ത്യ എതിരാളികളുടെ മനംകവർന്നത്​. മത്സര ശേഷം ഇന്ത്യൻ ടീം തങ്ങളുടെ ഡ്രസ്സിങ്​ റൂമിൽ അപ്രതീക്ഷിത സന്ദർശനത്തിനെത്തിയതിന്‍റെ ത്രില്ലിലാണ്​ സ്​കോട്ടിഷ്​ താരങ്ങൾ. വിരാട്​ കോഹ്​ലി, രോഹിത്​ ശർമ, ആർ. അശ്വിൻ, ജസ്​പ്രീത്​ ബൂംറ എന്നീ താരങ്ങൾ ഡ്രസിങ്​ റൂമിലെത്തി താരങ്ങളുമായി സംവദിച്ച കാര്യം ക്രിക്കറ്റ്​ സ്​കോട്​ലൻഡ്​ ട്വിറ്റർ പേജിൽ പങ്കുവെച്ചു. 'വിലമതിക്കാനാവാത്തത്​' -എന്നാണ്​ ക്രിക്കറ്റ്​ സ്​കോട്​ലൻഡ്​ പോസ്റ്റിന്​ തലക്കെട്ട്​ നൽകിയത്​.

ഇന്ത്യൻ താരങ്ങളുടെ സന്ദർശനം സ്​കോട്ടിഷ്​ താരങ്ങൾക്ക്​ വലിയ പ്രചോദനമായി. 'ഞങ്ങളെ സംബന്ധിച്ചിടത്തോളം സൂപ്പർ 12ൽ എത്തുകയും അടുത്ത ലോകകപ്പിന് യോഗ്യത നേടുകയും ചെയ്തുവെന്നത്​ വലിയ കാര്യമാണ്​. അതിനാൽ മുന്നോട്ട്​ നോക്കു​േമ്പാൾ ഒരുപാട്​ ചെയ്​തുതീർക്കാനുണ്ട്​. കുറച്ച് സൂപ്പർ 12മത്സരങ്ങൾ കളിച്ചുവെന്നത്​ കൊണ്ട്​ മാത്രം ഞങ്ങൾക്ക്​ സന്തോഷിക്കാൻ സാധിക്കില്ല. ധൈര്യമുള്ളവരായിരിക്കണം കുറച്ചുകൂടി മുന്നോട്ട് പോകേണ്ടതുണ്ട്. ഞങ്ങൾക്ക് അതിനായി പിന്തുണ ആവശ്യമാണ്' -സ്​കോട്​ലൻഡ്​ നായകൻ കൈൽ കോട്​സർ പറഞ്ഞു.

Priceless. pic.twitter.com/fBEz6Gp5fL

— Cricket Scotland (@CricketScotland) November 5, 2021