ജര്‍മനിയില്‍ മലയാളി വിദ്യാര്‍ഥിനി നിതികയെ, കോട്ടയം കടുത്തുരുത്തി അപ്പാഞ്ചിറ സ്വദേശിനി മരിച്ച നിലയില്‍ കണ്ടെത്തി
ജര്‍മനിയില്‍ മലയാളി വിദ്യാര്‍ഥിനി കോട്ടയം സ്വദേശി നിതികയെ മരിച്ചനിലയില്‍ കണ്ടെത്തി. കീല്‍ ക്രിസ്റ്റ്യാന്‍ ആല്‍ബ്റെഷ്ട് യൂണിവേഴ്സിറ്റിയില്‍ ബയോമെഡിക്കല്‍ വിഭാഗത്തില്‍ മെഡിക്കല്‍ ലൈഫ് സയന്‍സില്‍ പഠിക്കുന്ന നിതിക ബെന്നി (22) മുടക്കാംമ്പുറത്തെയാണ് സ്റ്റുഡന്‍റ് ഹോസ്റ്റലിലെ മുറിയില്‍ മരിച്ച നിലയില്‍ കണ്ടെത്തിയത്. കോട്ടയം കടുത്തുരുത്തി അപ്പാഞ്ചിറ സ്വദേശിനിയാണ്.
മലയാളി സുഹൃത്തുക്കള്‍ നിതികയെ കാണാതിരുന്നതിനെ നിതികയെ കാണാതിരുന്നതിനെ തുടര്‍ന്ന് മലയാളി സുഹൃത്തുക്കള്‍ അന്വേഷിച്ചപ്പോഴാണ് ഹോസ്റ്റലിലെ സ്വന്തം മുറിയിലെ കിടക്കയില്‍ മൃതദേഹം കണ്ടെത്തിയത്. ഉടന്‍തന്നെ എമര്‍ജന്‍സി വിഭാഗത്തിലെ ഡോക്ടറെ അറിയിക്കുകയും തുടര്‍ന്ന് പോലീസ് എത്തി അന്വേഷണം ആരംഭിക്കുകയും ചെയ്തു.
ബുധനാഴ്ച രാത്രിയില്‍ മരണം സംഭവിച്ചുവെന്നാണ് പ്രാഥമിക വിലയിരുത്തല്‍. പോസ്റ്റ്മോര്‍ട്ടം റിപ്പോര്‍ട്ട് പുറത്തുവന്നാലേ മരണ കാരണം സ്ഥിരീകരിക്കാനാവു. ജര്‍മനിയിലെ പോലീസ് നടപടികള്‍ പൂര്‍ത്തിയായെങ്കില്‍ മാത്രമേ മറ്റു നടപടികള്‍ തീരുമാനിക്കു.
ആറ് മാസം മുമ്പാണ് മരിച്ച പെണ്‍കുട്ടി ഉൾപ്പടെ ഉള്ളവർ ജര്‍മനിയില്‍ മാസ്റ്റര്‍ ബിരുദ പഠനത്തിനായി എത്തിയത്. മറ്റൊരു ഇന്ത്യക്കാരി വിദ്യാര്‍ഥിനിക്കൊപ്പമാണ് താമസിച്ചിരുന്നത്. നിതികയുടെ മരണ വിവരം കീല്‍ പോലീസ് നാട്ടിൽ ബന്ധുക്കളെ അറിയിച്ചിട്ടുണ്ട്. 12 രാജ്യങ്ങളില്‍ നിന്നുള്ള വിദ്യാര്‍ഥികളാണ് 2021 ലെ സമ്മര്‍ സെമസ്റ്ററില്‍ നിതികയ്ക്കൊപ്പം കീല്‍ യൂണിവേഴ്സിറ്റിയില്‍ പഠിക്കുന്നത്.
പഠനത്തില്‍ വരെ മിടുക്കിയും സദാസമയവും പുഞ്ചിരിച്ചുകൊണ്ട് സ്നേഹം പങ്കുവെയ്ക്കുന്ന ആരെയും ആകര്‍ഷിക്കുന്ന നിതികയുടെ പെട്ടെന്നുള്ള വേര്‍പാടില്‍ ഞെട്ടിത്തരിച്ചിരിക്കുകയാണ് കീലിലെ മലയാളി സമൂഹം. സ്വഭാവത്തിലും പെരുമാറ്റത്തിലും ഒരു അസ്വഭാവികതയും കാണിക്കാത്ത നിതികയെക്കുറിച്ച് നല്ലതുമാത്രമേ സുഹൃത്തുക്കള്‍ക്ക് പറയാന്‍ സാധിക്കു. കീല്‍ യൂണിവേഴ്സിറ്റിയില്‍ പഠിയ്ക്കുന്ന നിരവധി മലയാളികള്‍ ഈ ഹോസ്ററലില്‍ താമസിക്കുന്നുണ്ട്. കീല്‍ നഗരത്തിനടുത്ത് മലയാളി സിസ്റേറഴ്സും ജോലി ചെയ്യുന്നുണ്ട്.
നിതിക ജനിച്ചതും വളര്‍ന്നതും കേരളത്തിനു പുറത്താണ്. ഛത്തീസ്ഗഡിൽ സൈനിക ആശുപത്രിയിൽ നഴ്സാണ് നികിതയുടെ മാതാവ് ട്രീസ. പിതാവ് ബെന്നിയും സഹോദരൻ ആഷിഷും അടങ്ങുന്ന കുടുംബം ഛത്തീസ്ഗഡിലാണ് താമസം. മരണ വിവരമറിഞ്ഞ് മാതാപിതാക്കളും സഹോദരനും ഇന്നലെ വൈകിട്ട് കടുത്തുരുത്തി, പൂഴിക്കോലിലെ വീട്ടില്‍ എത്തി. മൃതദേഹം നാട്ടില്‍ എത്തിക്കാനുള്ള തയ്യാറെടുപ്പ് പുരോഗമിക്കുന്നു.
ദുഃഖാർത്തരായ കുടുംബത്തിന് അനുശോചനം അറിയിക്കുകയും കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തിൽ പങ്കു ചേരുകയും ചെയ്യുന്നു. ആദരാഞ്ജലികൾ 🌹🌹🌹🌹 യുക് മി അയർലണ്ട്
അനുദിന വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക
.jpg)
