വിന്‍ഡോസിന്റെ ഏറ്റവും പുതിയ പതിപ്പായ വിന്‍ഡോസ് 11 മൈക്രോസോഫ്റ്റ് പുറത്തിറക്കി. നിലവിലെ വിന്‍ഡോസ് 10 ഒഎസില്‍ നിന്നും ഏറെ മാറ്റങ്ങളോടെയാണ് പുതിയ ഒഎസ് എത്തിയിരിക്കുന്നത്. നിലവില്‍ വിന്‍ഡോസ് 10 ഒഎസില്‍ പ്രവര്‍ത്തിക്കുന്ന ലാപ്‌ടോപ്പുകള്‍ക്കും കമ്പ്യൂട്ടറുകള്‍ക്കും പുതിയ പതിപ്പ് ലഭ്യമാണ്.
വിന്‍ഡോസ് 10 ഒഎസുമായി താരതമ്യപ്പെടുത്തുമ്പോള്‍ യൂസര്‍ ഇന്റര്‍ഫേസില്‍ ഒട്ടേറെ മാറ്റങ്ങള്‍ വിന്‍ഡോസ് 11 പതിപ്പില്‍ കാണാം. പുതുതായി ഡിസൈന്‍ ചെയ്ത ഐക്കണുകളും റീ ഡിസൈന്‍ ചെയ്ത സ്റ്റാര്‍ട്ട് മെനുവുമാണ് ഇതില്‍ ഏറ്റവും ശ്രദ്ധേയമായ കാര്യം. വിന്‍ഡോസ് 11ല്‍ മധ്യഭാഗത്താണ് ഐക്കണുകള്‍ സ്ഥാപിച്ചിട്ടുള്ളത്. ആപ്പിളിന്റെ മാക് ഒഎസിന് സമാനമായ ഹോം സ്‌ക്രീനുമുണ്ട്. വിന്‍ഡോസ് 11ല്‍ വാര്‍ത്തകള്‍, സ്റ്റാറ്റസ്, അപ്‌ഡേറ്റുകള്‍, കാലാവസ്ഥ, സമയം എന്നിങ്ങനെയുള്ള വിവരങ്ങള്‍ കാണിക്കുന്ന പുതിയ വിഡ്ജറ്റ്‌സ് ആണ് നല്‍കിയിട്ടുള്ളത്. കൂടാതെ ആപ്പ് സ്റ്റോറിലും മാറ്റങ്ങള്‍ വരുത്തിയിട്ടുണ്ട്
ബിസിനസ്സ് ഉപയോക്താക്കള്‍ക്ക് ഉപയോഗപ്രദമാകുന്ന നിരവധി സവിശേഷതകള്‍ മൈക്രോസോഫ്റ്റ് ഒഎസ് അപ്‌ഡേറ്റിലൂടെ ചേര്‍ത്തിട്ടുണ്ട്. ലാപ്‌ടോപ്പ് മറ്റൊരു സ്‌ക്രീനിലേക്ക് എക്‌സ്റ്റേണല്‍ ഡിസ്‌പ്ലെ ഉപയോഗിച്ച് കണക്റ്റുചെയ്യുമ്പോള്‍ വിന്‍ഡോസ് 11 ഓട്ടോമാറ്റിക്കായി ആപ്പ് വലുപ്പം ക്രമീകരിക്കുന്നു. ഇത് എക്‌സ്റ്റേണല്‍ ഡിസ്‌പ്ലെ ഡിസ്‌കണക്ട് ചെയ്യുമ്പോള്‍ ഓട്ടോമാറ്റിക്കായി സാധാരണ മോഡിലേക്ക് മടങ്ങുകയും ചെയ്യുന്നവിധത്തിലുള്ള പുതുമ വരുത്തിയിട്ടുണ്ട്.
ഒരു ടച്ച് ഫ്രണ്ട്‌ലി ഒഎസ് കൂടിയായ വിന്‍ഡോസ് 11 ഗെയിമിംഗിനായി ഒപ്റ്റിമൈസ് ചെയ്തിട്ടുണ്ട്. ഈ ഒഎസില്‍ പ്രവര്‍ത്തിക്കുന്ന കമ്പ്യൂട്ടറുകള്‍ ഓട്ടോ എച്ച്ഡിആര്‍ സപ്പോര്‍ട്ട് ചെയ്യുന്നു. 1000ല്‍ അധികം ഗെയിമുകളില്‍ ഈ ഫീച്ചര്‍ സപ്പോര്‍ട്ട് ചെയ്യുന്നു. വിന്‍ഡോസ് 11 എക്‌സ്‌ബോക്‌സ് ആപ്പില്‍ നേറ്റീവ് ആയി ഇന്റഗ്രേറ്റ് ചെയ്ത എക്‌സ്‌ബോക്‌സ് ഗെയിം പാസും നല്‍കുന്നുണ്ട്.
2021 അവസാനത്തോടെ വിന്‍ഡോസ് 11 ഡൌണ്‍ലോഡിനായി ലഭ്യമാകും, ഇത് വിന്‍ഡോസ് 10ല്‍ പ്രവര്‍ത്തിക്കുന്ന കമ്പ്യൂട്ടറുകള്‍ക്ക് സൗജന്യമായി ലഭിക്കും. ഡെല്‍ ഡോട്ട് കോം വഴി നിലവില്‍ വില്‍പ്പന നടത്തുന്ന എല്ലാ ഡെല്‍ പിസികളും വിന്‍ഡോസ് 11 ഒഎസിലേക്ക് അപ്‌ഡേറ്റ് ചെയ്യുമെന്ന് ഡെല്‍ ഔദ്യോഗികമായി സ്ഥിരീകരിച്ചിട്ടുണ്ട്
വിന്‍ഡോസിന്റെ ഏറ്റവും പുതിയ പതിപ്പായ വിന്‍ഡോസ് 11ന് വണ്‍പ്ലസ് 6 ടി, ഷവോമി എംഐ 8, ലൂമിയ 950 എക്സ് എല്‍ എന്നിവയില്‍ പ്രവര്‍ത്തിക്കാന്‍ കഴിയുമെന്ന് മൈക്രോസോഫ്റ്റ്. മൈക്രോസോഫ്റ്റില്‍ നിന്ന് വരാനിരിക്കുന്ന ഈ ഓപ്പറേറ്റിംഗ് സിസ്റ്റം ഈ വര്‍ഷം അവസാനം റിലീസ് ചെയ്യുമെന്നാണ് റിപ്പോര്‍ട്ടുകള്‍. വിന്‍ഡോസ് 11ന്റെ ഇന്‍സൈഡര്‍ ബില്‍ഡ്, ഓപ്പറേറ്റിംഗ് സിസ്റ്റത്തിന്റെ എ ആര്‍ എം 64 വേര്‍ഷന്‍ എന്നിവ ഓണ്‍ലൈനില്‍ കാണാവുന്നതാണ്. വിന്‍ഡോസ് 11 ല്‍ പ്രവര്‍ത്തിക്കുന്ന ഏറ്റവും പുതിയ സ്മാര്ട്ട്ഫോണ് മോഡലുകളാണ് വണ്‍പ്ലസ് 6 ടി, എം ഐ8 എന്നിവ. സിപിയു, ബ്ലൂടൂത്ത്, ഭാഗികമായുള്ള ജിപിയു, ടച്ച്‌സ്‌ക്രീന്‍, യുഎസ്ബി പോര്‍ട്ട് എന്നിവ ഇതില്‍ ഉള്‍പ്പെടുന്നു.
ദിവസങ്ങള്‍ക്കു മുമ്പ് ഡവലപ്പര്‍മാര്‍ വിന്‍ഡോസ് 11 നെ എം ഐ 8 ലേക്ക് വിജയകരമായി പോര്‍ട്ട് ചെയ്തിരുന്നു. പക്ഷെ ഇന്‍സ്റ്റാളിലൂടെ ടച്ച്സ്‌ക്രീനും യുഎസ്ബി പോര്‍ട്ടും പ്രവര്‍ത്തിച്ചിരുന്നില്ല. ഇതിന്റെ വീഡിയോ ചൈനീസ് വെബ്‌സൈറ്റായ ബിലിബിലിയില്‍ ആണ് പോസ്റ്റ് ചെയ്തിരുന്നത്.
അതേസമയം, റെഡ്ഡിറ്റ് ഉപയോക്താവ് സ്പീഡ്ക്യാറ്റിലൂടെ റാസ്ബെറി പി ഐ 4 വിന്‍ഡോസ് 11 ല്‍ പ്രവര്‍ത്തിക്കുന്ന ചിത്രങ്ങള്‍ പോസ്റ്റ് ചെയ്തിരുന്നു. കൂടാതെ, ഗുസ്താവ് മോന്‍സ് എന്ന എന്‍ജിനീയറിംഗ് വിദ്യാര്‍ഥി മൈക്രോസോഫ്റ്റ് ലൂമിയ സ്മാര്ട്ട്ഫോണ് വിന്‍ഡോസ് 11 ല്‍ പ്രവര്‍ത്തിക്കുന്ന വീഡിയോ പങ്കിട്ടിരുന്നു. വണ്‍പ്ലസ് 6 ടി, എംഐ 8 എന്നിവ ക്വാല്‍കോം സ്‌നാപ്ഡ്രാഗണ്‍ 845 എസ് ഒസിയും ലൂമിയ 950 എക്‌സ്എല്‍ സ്‌നാപ്ഡ്രാഗണ്‍ 810 എസ് ഒ സി യുമാണ് ഡിവൈസിന്റെ കരുത്ത്.
.jpg)
