ജാഗ്വാറിൻെറ ചെലവേറിയ പുനസംഘടനാ പ്രവര്‍ത്തനങ്ങൾ ടാറ്റാ മോട്ടോഴ്സിന് തിരിച്ചടിയായി. നഷ്ടം കുതിച്ചുയര്‍ന്നു. 7,600 കോടി രൂപയോളമാണ് 2021ൻെറ ആദ്യ മൂന്ന് മാസങ്ങളിൽ കമ്പനിയുടെ നഷ്ടം
ടാറ്റ മോട്ടോഴ്സിന് മുട്ടൻ പണി കൊടുത്തിരിക്കുകയാണ് കമ്പനിയ്ക്ക് കീഴിലുള്ള ആഡംബര ബ്രാൻഡായ ജാഗ്വാര്‍. 2021 ൻെറ ആദ്യം മികച്ച പ്രകടനം കാഴ്ചവച്ചിട്ടും 7,585 കോടി രൂപയോളമാണ് ടാറ്റ മോട്ടോഴ്സിൻെറ മൊത്തം നഷ്ടം. ബ്രിട്ടീഷ് ആഡംബര കാർ ബ്രാൻഡായ ജാഗ്വാർ ലാൻഡ് റോവറിൻെറ പുന സംഘടനാ ചെലവുകളാണ് ടാറ്റ മോട്ടോഴ്സിന് തിരിച്ചടിയായത്.
കാര്യം കമ്പനിയുടെ വരുമാനം ഒക്കെ 42 ശതമാനം ഉയർന്നിട്ടുണ്ടെങ്കിലും ജാഗ്വാര്‍ ലാൻഡ്റോവറിൻെറ ആര്‍ഭാടവും പുന സംഘടനയും കമ്പനിക്ക് 15,559 കോടി രൂപയുടെ ചെലവാണ് ഉണ്ടാക്കിയത്. പ്രതിസന്ധി ഘട്ടത്തിലെ അസാധാരണമായ ചെലവ് തന്നെയാണ് കമ്പനിയെ വെട്ടിലാക്കിയത്. ഇത് ലാഭത്തെ ബാധിച്ചു.
കഴിഞ്ഞ വര്‍ഷം നിരന്തരമായ ലോകത്തിൻെറ പല ഭാഗങ്ങളിലും ലോക്ക്ഡൗൺ മൂലം കമ്പനി നഷ്ടത്തിലായിരുന്നു. തുടര്‍ച്ചയായ ത്രൈമാസങ്ങളിലെ വിൽപ്പന ഇടിവ് കമ്പനിയെ പ്രതിസന്ധിയിലാക്കിയിരുന്നുഎന്നാൽ ഒക്ടോബര്‍ മുതൽ മാര്‍ച്ച് വരെ വരുമാനം ഉയരുകയായിരുന്നു.ഇന്ത്യയിലെ രണ്ടാമത്തെ കൊവിഡ് തരംഗം വീണ്ടും പ്രതിസന്ധി കൂട്ടി.
.jpg)
