രോഗം തടയാനുള്ള പ്രധാനപ്പെട്ട കാര്യം ശരീരത്തിന്റെ പ്രതിരോധശേഷി വര്‍ദ്ധിപ്പിയ്ക്കുകയെന്നതാണ്. കൊവിഡ് എന്ന മഹാമാരിയുടെ കാര്യത്തില്‍ പോലും ശരീരത്തിന് പ്രതിരോധമെങ്കില്‍ രോഗം വരാതെ ഒരു പരിധി വരെ തടയാമെന്നതാണ് വാസ്തവം. പ്രതിരോധം നല്‍കുന്നതില്‍ പ്രധാനമാണ് ഭക്ഷണങ്ങള്‍. ഇതില്‍ തന്നെ ചില ഒറ്റമൂലികള്‍ ഏറെ നല്ലതുമാണ്. വീട്ടില്‍ തന്നെ നമുക്ക് പരീക്ഷിയ്ക്കാവുന്ന ഇത്തരത്തിലെ ഒറ്റമൂലികള്‍ പലതുമുണ്ട്. ഇത്തരത്തിലെ ഒരു പ്രത്യേക പ്രതിരോധ പാനീയത്തെ കുറിച്ചറിയൂ. വീട്ടില്‍ തന്നെ തയ്യാറാക്കി പരീക്ഷിയ്ക്കാവുന്ന ഒന്നാണിത്.
നെല്ലിക്ക
ഇതില്‍ രണ്ടു ചേരുവകള്‍ മാത്രമേയുളളൂ. നെല്ലിക്കയും മുരിങ്ങയിലയുമാണ് ഇതിനായി വേണ്ടത്. വിറ്റാമിൻ സി, ആന്റി ഓക്സിഡന്റ്, ഫൈബർ, മിനറൽസ്, കാൽത്സ്യം, എന്നിവയൊക്കെ ഇത്തിരിപ്പോന്ന നെല്ലിക്കയിൽ അടങ്ങിയിട്ടുണ്ട്. ഇത് രോഗ പ്രതിരോധ ശേഷി വർദ്ധിപ്പിക്കാനും അണുബാധ, ബാക്ടീരിയ എന്നിവയിൽനിന്നും രക്ഷനേടാനും സഹായിക്കും. നെല്ലിക്കാ ജ്യൂസ് കുടിക്കുന്നതിലൂടെ രക്തത്തിലെ പഞ്ചസാര കുറയ്ക്കാൻ സഹായിക്കും. നെല്ലിക്കയിൽ അടങ്ങിയിരിക്കുന്ന ഗാലിക് ആസിഡ്, ഗലോട്ടാനിൻ, എലജിനിക്ക് ആസിഡ്, കോറിലാജിൻ എന്നിവയാണ് പ്രമേഹബാധയിൽനിന്നും സംരക്ഷണം നൽകുന്നത്.
മുരിങ്ങായില
ഇതു പോലെ തന്നെ ഗുണകരമാണ് മുരിങ്ങായിലയും. ഏറെ ആരോഗ്യ ഗുണങ്ങള്‍ അടങ്ങിയ ഒന്നാണിത്. ആയുര്‍വേദത്തില്‍ പല ആരോഗ്യ പ്രശ്‌നങ്ങള്‍ക്കും മരുന്നായി പറയുന്ന ഒന്നാണ് മുരിങ്ങയില കൊണ്ടുള്ള മരുന്നുകള്‍. അയേണ്‍ സമ്പുഷ്ടമാണ് ഇത്. വൈറ്റമിന്‍ സി, ഫോളിക് ആസിഡ് തുടങ്ങിയ ഒരു പിടി പോഷക ഗുണങ്ങള്‍ ഒത്തിണങ്ങിയ ഒന്നുമാണ്. മുരിങ്ങയില കൊണ്ട് പ്രത്യേക രീതിയില്‍ ഉണ്ടാക്കുന്ന ചായ പല രോഗങ്ങള്‍ക്കുമുള്ള നല്ലൊരു പരിഹാരമാണ്. ആരോഗ്യ ഗുണങ്ങള്‍ ഏറെ ഇണങ്ങിയ ഒന്നാണിത്.ഇതിലെ ആന്റിഓക്‌സിഡന്റുകള്‍ ലിവര്‍, തലച്ചോര്‍ എന്നിവയുടെ പ്രവര്‍ത്തനത്തിന് സഹായിക്കുന്ന ഒന്നാണ്.ദഹനം മെച്ചപ്പെടുത്തി ഗ്യാസ്, അസിഡിറ്റി പ്രശ്‌നങ്ങള്‍ പരിഹരിയ്ക്കാനുള്ള ഒരു വഴി കൂടിയാണിത്. കുടല്‍ പ്രവര്‍ത്തനങ്ങള്‍ക്ക് ഏറെ ഗുണകരം.ഇതിലെ നാരുകള്‍ നല്ല ശോധനയ്ക്കു സഹായിക്കുന്ന ഒന്നു കൂടിയാണ്.
.jpg)
