നാളെയും വെള്ളിയാഴ്ചയും ഓറഞ്ച്, മഞ്ഞ മഴ മുന്നറിയിപ്പ്

12 കൗണ്ടികൾക്ക് പ്രത്യേക സ്റ്റാറ്റസ് യെല്ലോ മഴ മുന്നറിയിപ്പിനൊപ്പം കോർക്കിനുള്ള സ്റ്റാറ്റസ് ഓറഞ്ച് മഴ മുന്നറിയിപ്പും നാളെ പ്രാബല്യത്തിൽ വരും.

കോർക്കിനുള്ള മുന്നറിയിപ്പ് നാളെ വൈകുന്നേരം 6.00  മണിക്ക് നിലവിൽ വരും, വെള്ളിയാഴ്ച വൈകുന്നേരം 6.00  മണിക്ക് അവസാനിക്കും.

മൺസ്റ്ററിലെ (Clare, Cork, Kerry, Limerick, Tipperary, and Waterford) എല്ലാ കൗണ്ടികൾക്കും കാർലോ, ഡബ്ലിൻ, കിൽഡെയർ, കിൽക്കെന്നി, ലീഷ് , ഓഫലി, വിക്ലോ എന്നിവയ്ക്കും നാളെ വൈകുന്നേരം 6.00  മണിക്ക് പ്രാബല്യത്തിൽ വരുന്ന അലേർട്ട് വെള്ളിയാഴ്ച വൈകുന്നേരം 6.00  മണിക്ക് അവസാനിക്കും.

തെക്കൻ തീരത്ത് ഉച്ചകഴിഞ്ഞ് മഴ എത്തുകയും വടക്കോട്ട് വ്യാപിക്കുകയും ചെയ്യുമെങ്കിലും, നാളെ മിക്കവാറും വരണ്ട കാലാവസ്ഥയായിരിക്കും, ചില ഇടങ്ങളിൽ വെയിലിന്റെ സാന്നിധ്യം  ഉണ്ടായിരിക്കുമെന്ന് കാലാവസ്ഥാ നിരീക്ഷകൻ മെറ്റ് ഐറിയൻ പ്രവചിക്കുന്നു. സ്ഥിരവും കനത്തതുമായ മഴ പ്രാദേശികമായ വെള്ളപ്പൊക്കത്തിനും കാഴ്ചക്കുറവിനും വളരെ ബുദ്ധിമുട്ടുള്ള യാത്രാ സാഹചര്യങ്ങൾക്കും കാരണമാകുമെന്ന് മെറ്റ് ഐറിയൻ പറഞ്ഞു.