മലയാള സിനിമാലോകത്തെ വ്യത്യസ്തനായ വില്ലൻ | നടൻ റിസബാവ അന്തരിച്ചു | സംസ്കാരം നാളെ രാവിലെ

മലയാളികളുടെ ഏറ്റവും പ്രിയപ്പെട്ട വില്ലൻ റിസബാവ അന്തരിച്ചു.ഇൻ ഹരിഹർ നഗർ എന്ന സിനിമയിൽ വില്ലൻ വേഷം അദ്ദേഹത്തെ പ്രേക്ഷകരുടെ മനസ്സിൽ നിറ സാന്നിധ്യമാക്കി. വ്യക്ക സംബന്ധമായ അസുഖങ്ങളെത്തുടർന്ന് കൊച്ചിയിലെ സ്വകാര്യ ആശുപത്രിയി ചികിൽസയിലായിരുന്നു അദ്ദേഹം.  55 വയസായിരുന്നു. 

7 മണിക്ക് ശാദി മഹൽ ഓഡിറ്റോറിയത്തിൽ പൊതുദർശനത്തിനു ശേഷം. സംസ്കാരം നാളെ രാവിലെ 10.30 ന് ചെമ്പിട്ടപള്ളി ജുമാ മസ്ജിദ് ഖബറിസ്ഥാനിലായിൽ  നടക്കും. . 

നാടക വേദികളിലൂടെയാണ് റിസബാവ അഭിനയരംഗത്തേക്ക് എത്തുന്നത്. 1984-ൽ വിഷുപ്പക്ഷി എന്ന ചിത്രത്തിലൂടെയാണ് റിസബാവ സിനിമാ അഭിനയത്തിനു തുടക്കം കുറിച്ചതെങ്കിലും ഈ ചിത്രം റിലീസ് ആയില്ല.  ഷാജി കൈലാസ് സംവിധാനം ചെയ്ത ഡോക്ടർ പശുപതി എന്ന സിനിമയിൽ പാർവ്വതിയുടെ നായകനായി അഭിനയിച്ചുകൊണ്ടായിരുന്നു റിസബാവയുടെ തുടക്കം. എന്നാൽ റിസബാവ ശ്രദ്ധിക്കപ്പെട്ടത് സിദ്ദിഖ് - ലാൽ സംവിധാനം ചെയ്ത ഇൻ ഹരിഹർ നഗർ എന്ന സിനിമയിൽ വില്ലൻ വേഷം ചെയ്തതോടെയാണ്. ഈ ചിത്രത്തില്‍ നടന്‍ ചെയ്ത ജോൺ ഹോനായ് എന്ന വില്ലൻ കഥാപാത്രം ഏറെ പ്രേക്ഷക പ്രശംസ നേടിയിരുന്നു. ഒരു ഇടവേളയ്ക്ക് ശേഷം 1990-ലാണ് അദ്ദേഹം വീണ്ടും സിനിമയിലേക്ക് എത്തുന്നത്.

 അഭിനയം കൂടാതെ റിസബാവ ചില സിനിമകളിൽ ഡബ്ബിങ്ങും ചെയ്തിട്ടുണ്ട്. നൂറ്റി അമ്പതോളം സിനിമകളിലും ഇരുപതോളം സീരിയലുകളിലും അദ്ദേഹം അഭിനയിച്ചിട്ടുണ്ട്. മമ്മൂട്ടി നായകനായി എത്തിയ വണ്‍ എന്ന സിനിമയിലാണ് റിസബാവ അവസാനമായി അഭിനയിച്ചത്.