കേരളത്തിലെ ആദ്യ ടണൽ റോഡ് ഒരുവശം യാത്രക്കാർക്കായി തുറന്നു | ഇനി കുതിരാനിലൂടെ കോയമ്പത്തൂർ– കൊച്ചി പാത | 1.6 കിലോമീറ്റർ നീളമുള്ള തുരങ്കം

ഇന്ന് കേരളത്തിലെ  ആദ്യ ടണൽ റോഡ് കുതിരാൻ തുരങ്കം ഒരുവശം യാത്രക്കാർക്കായി തുറന്നു . സംസ്ഥാനത്തെ ആദ്യ റോഡ് തുരങ്കമാണിത്,പാലക്കാട് വഴി, തമിഴ്നാട്ടിലേക്കും കർണാടകയിലേക്കും ഉള്ള കണക്റ്റിവിറ്റി ഗണ്യമായി മെച്ചപ്പെടുത്തും. 1.6 കിലോമീറ്റർ നീളമുള്ള തുരങ്കം രൂപകൽപ്പന ചെയ്തിരിക്കുന്നത് പീച്ചി-വാസഹാനി വന്യജീവി സങ്കേതത്തിലൂടെയാണ് ഈ ടണൽ കടന്നു പോകുന്നത്.

കുതിരാൻ തുരങ്കം തുറന്നു. തുരങ്കത്തിന്റെ ഒരു ഭാഗം തുറക്കാൻ കേന്ദ്രമന്ത്രി നിതിൻ ഗഡ്കരിയാണു ദേശീയപാത അതോറിറ്റിക്ക് അനുമതി നൽകിയത്.തുരങ്കങ്ങളില്‍ ഒന്നു തുറക്കാന്‍ സജ്ജമാണെന്നും സുരക്ഷാ പരിശോധനകള്‍ പൂര്‍ത്തിയായെന്നും കാണിച്ചു കഴിഞ്ഞദിവസം ദേശീയപാത പാലക്കാട് പ്രോജക്ട് ഡയറക്ടര്‍ റീജനല്‍ ഓഫീസര്‍ക്കു കത്തുനല്‍കിയിരുന്നു. 

We will open one side of the Kuthiran Tunnel in Kerala today. This is the first road tunnel in the state and will drastically improve connectivity to Tamil Nadu and Karnataka. The 1.6 km long tunnel is designed through Peechi- Vazahani wildlife sanctuary. pic.twitter.com/9yG0VhrsLq

— Nitin Gadkari (@nitin_gadkari) July 31, 2021

ഇരട്ടക്കുഴൽ തുരങ്കത്തിലെ, തൃശൂർ ഭാഗത്തേക്കുള്ള ഇടതു തുരങ്കമാണു തുറന്നത്. ഉദ്ഘാടന ചടങ്ങടക്കമുള്ള ഔദ്യോഗിക പരിപാടികൾ ഒഴിവാക്കി, ഗതാഗതയോഗ്യമായ തുരങ്കത്തിലൂടെ വൈകിട്ട് അഞ്ചു മുതൽ വാഹനങ്ങൾ കടത്തിവിട്ടു. ഇതോടെ കോയമ്പത്തൂർ– കൊച്ചി പാതയിലെ യാത്രാസമയം ഗണ്യമായി കുറയും.കനത്ത മഴയിൽ തുരങ്കമുഖത്തു മണ്ണിടിച്ചിലുണ്ടായേക്കാം എന്ന ആശങ്കയുണ്ട്. 

സംസ്ഥാന സർക്കാരിന്റെ വിവിധ വകുപ്പുകളുടെ പരിശോധനകൾക്കു ശേഷം കേന്ദ്രസർക്കാരിൽനിന്നും അനുമതി കിട്ടിയതോടെയാണു കുതിരാൻ തുറക്കുന്നത്. തുരങ്കത്തിനുള്ളിൽ 570 മീറ്റർ നീളത്തിൽ ഉരുക്കു പാളികൾ കമാനാകൃതിയിൽ ഘടിപ്പിച്ച് കോൺക്രീറ്റ് ചെയ്ത് ബലപ്പെടുത്തണമെന്നും മലയിൽനിന്നുള്ള വെള്ളത്തിന്റെ ചോർച്ച അവസാനിപ്പിക്കാൻ ശാശ്വത പരിഹാരം കാണണമെന്നും ദേശീയപാത അതോറിറ്റി നിർദേശിച്ചിരുന്നു. മുകൾഭാഗത്ത് ഇതുവരെ പൂർണമായി കോൺക്രീറ്റിങ് നടത്തിയിട്ടില്ല. രണ്ടാമത്തെ തുരങ്കത്തിന്റെ നിർമാണം പൂർത്തിയാക്കിയശേഷം ഗതാഗതം അതിലേക്കു മാറ്റുകയും ആ സമയത്ത് ഒന്നാം തുരങ്കത്തിലെ പണികൾ പൂർത്തീകരിക്കുകയും ചെയ്യാമെന്ന ധാരണയാണ് ഇപ്പോഴുള്ളത്