ഇനി ഞായറാഴ്ചയാണെങ്കിലും ബാങ്ക് അവധി ദിനമാണെങ്കിലും ഒക്കെ ശമ്പളം അക്കൗണ്ടിൽ എത്തും. നിലവിൽ ബാങ്കുകളുടെ പ്രവൃത്തി ദിവസം മാത്രം പ്രവര്‍ത്തിക്കുന്ന നാഷണൽ ഓട്ടോമേറ്റഡ് ക്ലിയറിങ് ഹൗസ് സംവിധാനം ആഗസ്റ്റ് ഒന്നു മുതൽ എല്ലാ ദിവസങ്ങളിലും പ്രവര്‍ത്തിക്കുന്നതിനാലാണിത്.
ശമ്പളത്തിന് പുറമെ പെൻഷൻ, പലിശ, വരുമാനം തുടങ്ങിയവയും ഇനി അവധി ദിവസങ്ങൾ ഉൾപ്പെടെ എല്ലാ ദിവസങ്ങളിലും ലഭ്യമാകും. ഫോൺ ബിൽ, വാട്ടര്‍ ബിൽ, ഗ്യാസ് പെയ്മെൻറ് തുടങ്ങിയവയും ഇങ്ങനെ എല്ലാ ദിവസങ്ങളിലും സാധ്യമാകും. നിലവിൽ ബാങ്കുകളുടെ പ്രവൃത്തി ദിവസങ്ങളിൽ മാത്രമുള്ള സേവനങ്ങൾ ഇനി എല്ലാ ദിവസവും ലഭ്യമാകുന്നതിനാലാണിത്. ആഗസ്റ്റ് മുതലാണ് എൻഎസിഎച്ച് സേവനങ്ങൾ എല്ലാ ദിവസവും പ്രവര്‍ത്തിക്കുക.
.jpg)
