ഈ വർഷം നടക്കാനിരിക്കുന്ന ടി20 ലോകകപ്പ് ഇന്ത്യക്ക് നഷ്ടമാവുന്നു. ഒക്ടോബറിലാണ് ടൂർണമെൻറ് നടത്തേണ്ടത്. യുഎഇയിലും ഒമാനിലുമായി ലോകകപ്പ് നടത്താനാണിപ്പോൾ ഐസിസി ആലോചിക്കുന്നത്.
.ഇന്ത്യയിൽ ടി20 ലോകകപ്പ് നടക്കില്ല
.ഐപിഎൽ പാതിയിൽ മാറ്റിവെക്കേണ്ടി വന്നത് വിനയായി
.യുഎഇയും ഒമാനും പരിഗണനയിൽ
ഒക്ടോബറിലും നവംബറിലുമായി ഇന്ത്യയിൽ നടക്കേണ്ട ടി20 ലോകകപ്പിൻെറ വേദി മാറ്റാൻ ഐസിസി. പുതിയ വേദി വൈകാതെ പ്രഖ്യാപിക്കും. കൊവിഡ് പ്രതിസന്ധി കാരണം ഇന്ത്യയിൽ ടൂർണമെൻറ് നടത്താനാവില്ലെന്ന് വ്യക്തമായതോടെ ഐസിസി ബിസിസിഐയുമായി ചർച്ചകൾ നടത്തിയിരുന്നു. ഇന്ത്യയിൽ നടന്നിരുന്ന ഐപിഎല്ലും പാതിവഴിയിൽ നിർത്തി വെക്കേണ്ടി വന്നിരുന്നു. സെപ്തംബറിൽ യുഎഇയിലാണ് ഇനി ഐപിഎൽ നടക്കുക.
യുഎഇയിൽ തന്നെ ടി20 ലോകകപ്പ് നടത്താനാണ് ഐസിസി ഉദ്ദേശിക്കുന്നത്. യുഎഇക്ക് പുറമെ ഒമാൻെറ തലസ്ഥാനമായ മസ്കറ്റും വേദിയാവാനുള്ള പരിഗണനയിലുണ്ട്. അബുദാബി, ദുബായ്, ഷാർജ എന്നിവിടങ്ങൾക്ക് പുറമെയാണ് മസ്കറ്റിലും മത്സരങ്ങൾ നടത്താൻ കരുതുന്നത്.
.jpg)
