"ജിയോബുക്ക്," റിലയൻസിന്റെ വിലക്കുറവുള്ള ലാപ്ടോപ്പ് അണിയറയിൽ

റിലയൻസിന്റെ ലാപ്ടോപ്പ് "  "ജിയോബുക്ക്," 

റിപോർട്ടുകൾ അനുസരിച്ച് ലാപ്ടോപ്പ് വിപണിയിലും വിപ്ലവം സൃഷ്ടിക്കാൻ ഒരുങ്ങുകയാണ് റിലയൻസ് ജിയോ. റിപ്പോർട്ട് അനുസരിച്ച് എന്നായിരിക്കും റിലയൻസിന്റെ ലാപ്ടോപ്പിന്റെ പേര്. ജിയോബുക്ക് നിർമ്മിക്കുന്നതിനായി ചൈനീസ് നിർമാതാക്കളായ ബ്ലൂബാങ്ക് കമ്മ്യൂണിക്കേഷൻ ടെക്നോളജിയുമായി ജിയോ കൂട്ടുകൂടിയിട്ടുണ്ട് എന്നാണ് റിപ്പോർട്ട്. 4ജി എൽടിഇ സപ്പോർട്ടുള്ള ജിയോബുക്ക് പ്രവർത്തിക്കുക ആൻഡ്രോയിഡ് അടിസ്ഥാനമായ ഓപ്പറേറ്റിംഗ് സിസ്റ്റത്തിൽ ആയിരിക്കും. ജിയോഓഎസ് എന്നായിരിക്കും ഈ ഓപ്പറേറ്റിംഗ് സിസ്റ്റത്തിന്റെ പേര് എന്നും എക്സ്ഡി‌എ ഡെവലപ്പേഴ്‌സ് റിപ്പോർട്ട് പറയുന്നു. അതെ സമയം ജിയോബുക്ക് നിർമ്മിതിയെപ്പറ്റി റിലയൻസ് ഇതുവരെ ഔദ്യോഗിമായി പ്രതികരിച്ചിട്ടില്ല. കഴിഞ്ഞ വർഷം സ്റ്റെപാമ്പാറിൽ തന്നെ ജിയോബുക്കിന്റെ പ്രവർത്തനം റിലയൻസ് ആരംഭിച്ചതായും 2021ന്റെ ആദ്യ പകുതി തീരുംവരെ ഇത് തുടരുമെന്നുമുള്ള ആഭ്യന്തര രേഖകളിൽ വിവരങ്ങളാണ് എക്സ്ഡി‌എ ഡവലപ്പർമാർ പുറത്ത് വിട്ടത്.  ടെലികോം രംഗത്ത് വിപ്ലവം സൃഷ്ഠിച്ചവരാണ് മുകേഷ് അംബാനിയുടെ നേതൃത്വത്തിലുള്ള റിലയൻസ് ജിയോ. വിലക്കുറവിൽ കോളും, ഡാറ്റയും ഒരുക്കിയ ജിയോയുടെ വളർച്ചയെ ഏവരെയും അസൂയപ്പെടുത്തുന്നതാണ്. 

അനൗദ്യോഗിമായി പുറത്ത്‌വന്ന ജിയോബുക്കിന്റെ പ്രോട്ടോടൈപ്പ് ചിത്രം അനുസരിച്ച് 1,366×768 പിക്‌സൽ റെസല്യൂഷനും ക്വാൽകോം സ്‌നാപ്ഡ്രാഗൺ 665 SoC- യും സ്‌നാപ്ഡ്രാഗൺ എക്‌സ് 12 4 ജി മോഡമും ഉള്ള ഡിസ്പ്ലേ ആയിരിക്കും ജിയോബുക്കിന്. 2 ജിബി എൽപിഡിഡിആർ 4 എക്സ് റാമും 32 ജിബി ഇഎംഎംസി സ്റ്റോറേജും ഉള്ള ഒരു പതിപ്പ്, 4 ജിബി എൽപിഡിഡിആർ 4 എക്സ് റാമും 64 ജിബി ഇഎംഎംസി 5.1 സ്റ്റോറേജും ഉള്ള ഒരു പതിപ്പ് എന്നിങ്ങനെ ജിയോബുക്ക് പ്രതീക്ഷിക്കാം. 

മിനി എച്ച്ഡിഎംഐ കണക്റ്റർ, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് എന്നിവ ഉൾപ്പെടുന്ന നിരവധി കണക്റ്റിവിറ്റി ഓപ്ഷനുകൾ ജിയോബുക്ക് വാഗ്ദാനം ചെയ്യും. ത്രീ-ആക്സിസ് ആക്‌സിലറോമീറ്ററും ക്വാൽകോം ഓഡിയോ ചിപ്പും ജിയോബുക്കിലുണ്ടാവും. ജിയോസ്റ്റോർ, ജിയോമീറ്റ്, ജിയോപേജുകൾ തുടങ്ങിയ ആപ്ലിക്കേഷനുകൾ ജിയോബുക്കിൽ മുൻകൂട്ടി ഇൻസ്റ്റാൾ ചെയ്തിരിക്കും. ജിയോബുക്കിന്റെ വിലയെയും ലഭ്യതയെയും കുറിച്ചുള്ള വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. എങ്കിലും ഈ വർഷത്തിന്റെ അവസാനത്തോടെ ജിയോബുക്ക് വിപണിയിലെത്തിക്കാൻ ആണ് റിലയൻസ് ജിയോ പദ്ധതിയിടുന്നനത്.