അമേരിക്കയുടെ 46മത് പ്രസിഡൻ്റായി ജോ ബൈഡൻ. ദിവസങ്ങൾ നീണ്ട ആശങ്കകൾക്ക് ഒടുവിലാണ് തെരഞ്ഞെടുപ്പ് ഫലം പുറത്തുവന്നത്. വിവാദങ്ങള്‍ക്ക് ഒടുവിലാണ് ജോ ബൈഡന് യുഎസ് പ്രസിഡന്‍റ് ആയേക്കുമെന്ന് യുഎസ് മാധ്യമങ്ങള്‍ പ്രവചിക്കുന്നത്. സിഎന്‍എന്‍, അസോഷ്യേറ്റഡ് പ്രസ്, എന്‍ബിസി മാധ്യമങ്ങള്‍ ബൈഡന്‍റെ വിജയം സ്ഥിരീകരിച്ചു. വോട്ടെണ്ണല്‍ പുരോഗമിക്കുകയാണ്.
സ്വിങ് സ്റ്റേറ്റ് ആയിരുന്ന പെന്‍സില്‍വേനിയയില്‍ ബൈഡന് ജയിച്ചതോടെയാണ് മാധ്യമങ്ങള്‍ വിജയം പ്രഖ്യാപിച്ചത്. 20 ഇലക്ടറല്‍ വോട്ടുകളാണ് പെന്‍സില്‍വേനിയ സംസ്ഥാനത്തുള്ളത്.മത്സരത്തില്‍ പിടിച്ചുനില്‍ക്കാന്‍ ട്രംപിന് ഈ സംസ്ഥാനത്ത് വിജയം അനിവാര്യമായിരുന്നു. ഇതുവരെയുള്ള വോട്ടുകള്‍ കണക്കിലെടുത്ത്, ട്രംപിന് പെന്‍സില്‍വേനിയയില്‍ ഒന്നാമത് എത്താന്‍ കഴിയില്ലെന്ന് ഉറപ്പായതോടെയാണ് ബൈഡനെ വിജയിയായി പ്രഖ്യാപിക്കാന്‍ മാധ്യമങ്ങള്‍ തീരുമാനിച്ചത്.
നിലവിലെ പ്രസിഡൻ്റ് ഡോണാൾഡ് ടംപിനെ പരാജയപ്പെടുത്തിയാണ് അമേരിക്കയുടെ 46മത്തെ പ്രസിഡൻ്റായി 77 കാരനായ ബൈഡൻ എത്തുന്നത്. ഇന്ത്യൻ വംശജ കമല ഹാരിസ് വൈസ് പ്രസിഡൻ്റാകും. അമേരിക്കൻ ചരിത്രത്തിലെ ആദ്യ വനിത വൈസ് പ്രസിഡൻ്റായി കമല മാറുമെന്ന പ്രത്യേകതയുമുണ്ട്.
വോട്ടെണ്ണൽ പുരോഗമിക്കുകയാണെങ്കിലും 538 ഇലക്‌ടറൽ വോട്ടുകളിൽ കേവല ഭൂരിപക്ഷം ബൈഡൻ നേടിയതായി അമേരിക്കൻ മാധ്യമങ്ങൾ വ്യക്തമാക്കുന്നു. 270 ഇലക്‌ടറൽ വോട്ടുകളാണ് കേവലഭൂരിപക്ഷത്തിന് ആവശ്യം. 284 സീറ്റുകളാണ് ബൈഡന് ലഭിച്ചതെന്ന് 'ദ ഗാർഡിയൻ' റിപ്പോർട്ട് ചെയ്യുന്നു. ജോർജിയ, നെവാഡ എന്നിവടങ്ങൾ ഒപ്പം നിന്നതാണ് ബൈഡന് നേട്ടമായത്. 214 വോട്ടുകളാണ് റിപ്പബ്ലിക്കൻ സ്ഥാനാർഥി ട്രംപിന് ഇതുവരെ ലഭിച്ചതെന്നാണ് റിപ്പോർട്ടുകൾ. അതേസമയം ട്രംപ് ഉടൻ മാധ്യമങ്ങളെ കാണുമെന്ന റിപ്പോർട്ടുകളും പുറത്തുവാരുന്നുണ്ട്. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല.
.jpg)
